access_time Dərc olunub: 13:32
Milli Məclisin Regional məsələlər komitəsinin iş planı təsdiq edildi

Milli Məclisin Regional məsələlər komitəsinin 2016-cı il payız sessiyası fəaliyyəti və 2017-ci il yaz sesssiyasının iş planı komitənin bu gün keçirilən iclasında müzakirə olunaraq təsdiq edilib.


TİA.AZ xəbər verir ki, yaz sessiyasının gündəliyinə 5-i qanun layihələrinə dəyişikliklər olmaqla, cəmi 7 məsələ daxil edilib.

Komitə sədri Arif Rəhimzadə bildirib ki, qanun layihələri artıq razılaşma mərhələsindədir və mövcud qurumlarla razılaşdırıldıqdan sonra komitə iclaslarında təsdiqlənərək yaz sesiyasına təklif olunacaq.

Bunlar, “Bələdiyyə torpaqlarlarının idarə edilmısi haqqında” qanunda düzəlişlər edilməsi haqqında qanun layihəsi, “Azərbaycanın 2002-ci il 15 mart tarixli 247-IIQ saylı Qanunu ilə təsdiq edilmiş “Bələdiyyə torpaqlarının ayrılmasına dair sənədlərin hazırlanması və razılaşdırılması qaydaları haqqında Əsasnamə”də dəyişikliklər edilməsi barədə qanun layihəsi, “Yerli (bələdiyyə) vergilər və ödənişlər haqqında” qanunda dəyişikliklər edilməsi barədə qanun layihəsi, “Bələdiyyələrin statusu haqqında” və “Bələdiyyələrin maliyyəsinin əsasları haqqında” qanunlara dəyişiklik layihələridir.

Şərhlər