access_time Dərc olunub: 01:30
Kamal Abdulla ətrafında nə baş verir? - Mərkəzdə önəmli isimləri istefa verdi

Prezidentin müşaviri, yazıçı Kamal Abdullanın rəhbərlik etdiyi Bakı Beynəlxalq Multikulturalizm Mərkəzində iki önəmli şəxs işdən çıxıb.
 
Tia.az BakiPost.az-a istinadən xəbər verir ki, mərkəzin aparıcı mütəxəssisləri – tanınmış şərqşünas-alim Nəriman Qasımoğlu (analitika şöbəsinin müdiri) və siyasi elmlər üzrə fəlsəfə doktoru Aynur Bəşirova (Aparatın müşaviri) vəzifələrindən uzaqlaşıblar.
 
Nərman Qasımoğlu BakıPost.az-a xəbəri təsdiqləsə də, işdən çıxmasının səbəbləri barədə heç nə deməyib. Vəzifəsindən öz ərizəsiylə çıxdığını bildirən alim, ADA universitetində işə düzəldiyini söyləyib: "Hazırda orada dərs deyirəm”.

Qeyd edək ki, cəmi iki il əvvəl birdən-birə böyük səlahiyyətlər verilən Kamal Abdulla ətrafında son vaxtlar gözlənilməz olaylar baş verir.
 
Uzun illər rəhbərlik etdiyi Bakı Slavyan Universiteti əlindən tamamilə alındı, sonra Azərbaycan Pedaqoji Universitetində prorektor olan oğlu işdən çıxarıldı. İndi isə Multikulturalizm Mərkəzində çaxnaşma başlayıb.
 
Beynəlxalq Multikulturalizm Mərkəzi Prezidentin 15 may 2014-cü il tarixli Fərmanı ilə yaradılıb.

Şərhlər