Tribuna İnformasiya Agentliyi-Tia.az

  Flaş Xəbərlər
  • Bakı polisi və prokurorluqdan arvadınıın başını kəsən kişi ilə bağı açıqlama  Bakıda kişinin arvadının başını kəsməsi faktı ilə bağlı cinayət işi başlanıb.   Bakı şəhər Baş Polis İdarəsi (BŞBPİ) və şəhər prokurorluğundan verilən birgə məlumatda qeyd olunur ki, yanvarın 26-da saat 12 radələrində paytaxtın Nərimanov rayon sakini, 1973-cü il təvəllüdlü Süleymanov İlham Elləz oğlunun qısqanclıq zəminində yaşadığı evdə arvadı, 1979-cu il təvəllüdlü Süleymanova Məhəbbət Nəriman qızının boğaz və bədəninin digər nahiyələrinə çoxsaylı xəsarətlər yetirərək onu qəsdən öldürməsi faktına görə rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. İ.Süleymanov daha sonra rayon hüquq-mühafizə orqanlarına könüllü gələrək təslim olub və şübhəli şəxs qismində tutularaq istintaqa cəlb olunub. Hazırda iş üzrə istintaq tədbirləri davam etdirilir.(APA)   Qeyd edək ki, qətl hadisəsi törədən şəxs Bakı Metropolitenində elektrik-mexanik işləyib.
  • Nuşirəvan Məhərrəmov 6 il də MTRŞ üzvü olacaq  Prezident İlham Əliyev Nuşirəvan Umud oğlu Məhərrəmovun Milli Televiziya və Radio Şurasının (MTRŞ) üzvü təyin edilməsi haqqında sərəncam imzalayıb.   Tia.az-ın məlumatına görə, N. Məhərrəmov 6 il müddətinə Milli Televiziya və Radio Şurasının üzvü təyin edilib.
  • Əmək pensiyalarının sığorta hissəsində artım  Prezident İlham Əliyev əmək pensiyalarının sığorta hissəsinin indeksləşdirilməsi haqqında sərəncam imzalayıb.   Sərəncamla Azərbaycan Respublikasının Dövlət Sosial Müdafiə Fonduna tapşırılıb ki, 2014-cü il üzrə istehlak qiymətləri indeksinə uyğun olaraq 2015-ci ilin 1 yanvar tarixinə bütün növ əmək pensiyalarının sığorta hissəsinin artırılmasını təmin etsin; fərdi uçot sistemində fərdi hesabların sığorta hissəsində toplanmış pensiya kapitalı məbləğlərinin indeksləşdirilməsini həyata keçirsin. Nazirlər Kabinetinə bu sərəncamdan irəli gələn məsələləri həll etmək tapşırılıb.
  • Həbsdə olan dayısına mobil telefon keçirmək istədi  Penitensiar xidmətin əməkdaşları cəzaçəkmə müəssisəsinə telefon keçirilməsinin qarşısını alıb.   Penitensiar xidmətin ictimaiyyətlə əlaqələr şöbəsindən Tia.az-a verilən məlumata görə, Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində 17 saylı cəzaçəkmə müəssisəsində cəza çəkən, Azərbaycan Respublikası Cinayət Məcəlləsinin 228.1 maddəsinə əsasən 3 il müddətinə azadlıqdan məhrum edilmiş məhkum Nicat Əmir oğlu Quliyevin yanına qısamüddətli görüşə gəlmiş bacısı oğlu, Bakı şəhər sakini Samir Cəmil oğıu Əhmədovun gətirdiyi sovqata və üzərinə baxış keçirilən zaman əynindəki qış gödəkçəsinin sağ cibində gizlədilmiş, daxilində “Sim” və “Cin” danışıq kartları olan 1 ədəd “Samsung” və daxilində “Azərcell” danışıq kartı olan 1 ədəd “İphone” markalı mobil telefon aparatı aşkar edilərək götürülüb. Fakt üzrə araşdırma aparılır.
  • XİN: Cəbhədə vəziyyətin gərginləşməsinin günahkarı Ermənistandır  Beynəlxalq hüququn norma və prinsiplərinə və BMT Nizamnaməsinə zidd olaraq, Azərbaycan Respublikasına qarşı işğal və təcavüz törətmiş dövlət kimi vəziyyətin gərginləşməsinə görə bütün məsuliyyət Ermənistanın üzərinə düşür.   Bunu Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev Ermənistanın son təxribat əməllərini şərh edərkən deyib. O, qeyd edib ki, Ermənistan silahlı qüvvələrinin işğal edilmiş Azərbaycan ərazilərində mövcudluğu regional sabitlik və təhlükəsizliyi təhdid edən gərginliyin yaranmasının əsas səbəbidir. XİN rəsmisi bildirib ki, Ermənistanın məqsədyönlü şəkildə vəziyyətin gərginləşməsinə yönəlmiş təxribatçı əməlləri münaqişənin həllinə mane olmaq və Ermənistanın Azərbaycana qarşı işğal və təcavüzü nəticəsində yaranmış mövcud status kvonu saxlamaq məqsədi daşıyır. H.Hacıyev deyib ki, Ermənistan rejimi “cəbhədə vəziyyətin gərginləşməsi” bəhanəsini əlində alət edərək, bu vasitə ilə uğursuz şəkildə ölkədaxili siyasi-iqtisadi və demoqrafik böhrandan, xüsusilə son günlərdə ölkədə yaranmış gərgin siyasi vəziyyətdən diqqəti yayındırmağa çalışır: "Ermənistanın cəbhədə son günlər ərzində verdiyi çoxsaylı itkilər Ermənistan rejiminin bu məsuliyyətsiz siyasətinin nəticəsidir. Bütün bu təxribatçı əməllərin fonunda Ermənistanın münaqişənin həllinə dair danışıqlar prosesində iştirakı siyasi möhtəkirlik xarakteri daşıyaraq, yalnız imitasiya və beynəlxalq ictimaiyyəti aldatmağa xidmət edir". O vurğulayıb ki, münaqişənin həllinə nail olmaq üçün ilk növbədə Ermənistanın işğalçı silahlı qüvvələri işğal olunmuş Azərbaycan ərazilərindən çıxarılmalı, işğal və təcavüz faktı aradan qaldırılmalıdır.
   
Xəbər Lenti

26 yanvar 2015

Bütün xəbərlər


Çox Oxunanlar

Arxiv

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya