Tribuna İnformasiya Agentliyi-Tia.az

  Flaş Xəbərlər
  • Gürcülərdən görünməmiş oğurluq  Oğurlanan əşyaların qiyməti 100 min avro dəyərində olub   Almaniyada tunel qazaraq qızıl mağazasından oğurluq edən gürcülər tutulub. Altı Gürcüstan vətəndaşı Kölndəki qızıl mağazasından oğurluq etməkdə günahlandırılaraq həbs olunublar. Almaniya polisinin məlumatına görə, onlar bura tunel vasitəsilə daxil olublar.  Gürcüstanın “Rustavi-2” telekanalının məlumat verir ki, cinayətkarlar mağazadan 6 kiloqram dəyərində qızıl əşyaları oğurlayıblar. Onlar mağazanın zirzəmisinə tuneli qonşu binadan qazıblar. Oğurlanan əşyaların qiyməti 100 min avro dəyərində olub. Qeyd edək ki, qızıl mağazasını qarət etmək oğrulara ikinci dəfə qismət olub. Birinci dəfə onlar mağazaya damdan daxil olmaq istəyiblər, lakin bu onlarda uğursuz alınıb.
  • Bakı Olimpiya stadionu ilk “10-luq”da  İngiltərənin məşhur  "The Telegraph” qəzetinin redaktorlarından Adam Hurrey dünyada inşaatı davam edən nəhəng stadion layihələrini araşdırıb.   Hazırda tikintisi başa çatmaq üzrə olan Bakı Olimpiya Stadionu da dünyanın ən möhtəşəm 10 stadion layihəsi arasında göstərilib. Siyahıya daxil olan stadionlar aşağıda adları qeyd olunanlardır: 1. Estadio La Peineta (İspaniya, "Atletiko", 2017-ci il) 2. Bakı Olimpiya Stadionu (Azərbaycan, 2015-ci il) 3. Timsah Arena (Türkiyə, 2014-cü il) 4. Zenit Arena  (Rusiya, 2016-cı il) 5. Stade des Lumieres (Fransa, 2015-ci il) 6. Allianz Parque (Braziliya, 2014-cü il 7. Nouveau Stade de Bordeaux (Fransa, 2015-ci il) 8. ÇSKA Moskva (Rusiya, 2015-ci il) 9. Nyu Ferenc Puşkaş (Macarıstan, 2018-ci il) 10. Əl-Vakrah  (Qətər, 2022-ci il)(qol.az)
  • Dollar və avronun məzənnəsi 48 və 60 rublu aşıb  OPEK-in bu gün neft hasilatının həcmini əvvəlki səviyyədə saxlanılmasına dair verdiyi qərarı fonunda Moskva Birjasında ABŞ dolları və avro tarixi maksimum həddinə yaxınlaşıb.   “RİA Novosti”-nin verdiyi məlumata görə, bu gün Bakı vaxtı ilə 19.44-də  Moskva Birjasında 1 ABŞ dolları 63 qəpik bahalaşaraq 48,02 rubla bərabər olub. 1 avro isə 72 qəpik bahalaşaraq 60 rubla dəyişdirilib. Qeyd edək ki, dollar və avro sonuncu dəfə bu ilin noyabrın 7-də tarixi maksimum  həddə qalxaraq müvafiq olaraq 48,65 və 60,27 rubla bərabər olub. (apa)
  • "Yeni Müsavat"ın şikayəti təmin olunmadı-qəzet üzr istəyəcək  Ali Məhkəmə Anar Məmmədovun irəli sürdüyü iddiadan verilən şikayəti təmin etmədi   Azərbaycan Respublikası Ali Məhkəməsi “Garant Holding”in təsisçisi Anar Məmmədovun “Yeni Müsavat” qəzetinə qarşı irəli sürdüyü iddiadan sonuncunun verdiyi kassasiya şikayətini təmin etməyib.  Bakı Apellyasiya Məhkəməsinin 18 avqust 2014-cü il tarixli qərardadından “Yeni Müsavat” qəzetinin vermiş olduğu kassasiya şikayəti 27 noyabr 2014-cü il tarixli Azərbaycan Respublikası Ali Məhkəməsinin qərarı ilə təmin olunmayıb. Qeyd edək ki, Anar Məmmədovun iddia ərizəsi “Azadlıq” qəzetinin 02 iyul 2010-cu il tarixli və “Yeni Müsavat” qəzetinin 3 iyul 2010-cu il tarixli, N 168 (4484) saylı sayında “Azadlıq” qəzetinə istinadən yer almış məqalələr, “Yeni Müsavat” qəzetinin 21 iyul 2010-cu il tarixli, N 186 (4502) saylı sayında, “Yeni Müsavat” qəzetinin 05 avqust 2010-cu il tarixli, N 201 (4517) saylı sayında, “Yeni Müsavat” qəzetinin 14 sentyabr 2010-cu il tarixli, N 239 (4555) nömrəli sayında “Turan” informasiya agentliyinə istinadən yer almış məqalələr, “Yeni Müsavat” qəzetinin 15 sentyabr 2010-cu il tarixli, N 240 (4556) nömrəli sayında “Turan” informasiya agentliyinə istinadən yer almış məqalə, “Yeni Müsavat” qəzetinin 20 iyun 2011-ci il tarixli, N 161 (4820) nömrəli sayında yer almış məqalələrlə bağlı olub. Belə ki, Yasamal rayon məhkəməsinin 23 yanvar 2012-ci il tarixli 2(004)-49/2012 saylı qətnaməsi ilə iddiaçı Məmmədov Anar Ziya oğlunun cavabdehlər “Azadlıq” və “Yeni Müsavat” qəzetlərinə qarşı olan iddia ərizəsi qismən təmin olunub. Məhkəmə qərarına əsasən, “Yeni Müsavat” və “Azadlıq” qəzetindən müştərək qaydada vurulmuş mənəvi ziyana görə 4.000 (dörd min) manat tutularaq, Bakı şəhəri, Xəzər rayonu, Buzovna qəsəbəsində yerləşən Ruhi Əsəb Əlil Qocalar evinin hesabına köçürülməsi qət edilib. Lakin daha sonra Anar Məmmədovun nümayəndəsi R.Məmmədov Nizami rayon İcra şöbəsinə müraciət edərək və “İcra Haqqında” Azərbaycan Respublikası Qanununun 20 və 21-ci maddələrini rəhbər tutaraq Bakı şəhəri, Yasamal rayon məhkəməsinin 2 (004)-49/12 saylı 23 yanvar 2012-ci il tarixli icra sənədi üzrə tərəflər arasında razılaşma əldə olunduğundan tələbkarın tələbdən imtina etməsi əsası ilə icraata xitam verilməsi üçün məhkəməyə təqdimat verilməsini xahiş edib. Bakı şəhəri, Nizami rayon məhkəməsinin 14 fevral 2014-cü il tarixli 8(007)-1742014 saylı qərardadı ilə təqdimat təmin olunmuş və Bakı şəhəri, Yasamal rayon məhkəməsinin 2(004)-492012 saylı 23 yanvar 2012-ci il tarixli icra sənəd üzrə icraata xitam verilib. Daha sonra “Yeni Müsavat” qəzeti ilə tələbkar arasında olan razılaşma qəzet redaksiyası tərəfindən pozulduğundan Nizami rayon məhkəməsinin 14 fevral 2014-cü il tarixli qərardadından tələbkar tərəfindən verilmiş şikayət təmin olunub və məhkəmənin 20 iyun 2014-cü il tarixli qərardadı ilə 14 fevral 2014-cü il tarixli qərardad ləğv olunub və təqdimat rədd edilib. “Yeni Müsavat” qəzetinin Nizami rayon məhkəməsinin sözügedən 20 iyun 2014-cü il tarixli qərardadından vermiş olduğu apellyasiya şikayəti 18 avqust 2014-cü il tarixli Apellyasiya Məhkəməsinin qərardadı ilə təmin olunmayıb. Bakı Apellyasiya Məhkəməsinin 18 avqust 2014-cü il tarixli qərardadından “Yeni Müsavat” qəzetinin vermiş olduğu kassasiya şikayəti 27 noyabr 2014-cü il tarixli Azərbaycan Respublikası Ali Məhkəməsinin qərarı ilə təmin olunmayıb.(oxu.az)
  • Əfsanəvi futbolçu ölüm ayağında  Pele San-Paulo klinikalarından birinin reanimasiya şöbəsinə köçürülüb   Əfsanəvi braziliyalı futbolçu Pelenin vəziyyəti yenidən pisləşib. 3 qat dünya çempionu San-Paulo klinikalarından birinin reanimasiya şöbəsinə köçürülüb. Son ay ərzində 74 yaşlı Pele iki dəfə xəstəxanaya düşüb. Əvvəl braziliyalı mədə ağrıları səbəbindən xəstəxanaya yerləşdirilmişdi, sonra böyrəklərindən əməliyyat olunmuşdu. Daha sonra Pele sidik yollarının infeksiyasına görə xəstəxanaya müraciət etmişdi. (ans)
   
Xəbər Lenti

27 noyabr 2014

Bütün xəbərlər


Çox Oxunanlar

Arxiv

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya