Tribuna İnformasiya Agentliyi-Tia.az

  Flaş Xəbərlər
  • Dünya Bankı Ebolaya qarşı mübarizə üçün 100 milyon dollar ayırıb  Dünya Bankı Ebola ilə mübarizəyə daha 100 milyon dolların da ayrılması barədə qərar qəbul edib.   Tia.az İTAR TASS-a istinadən xəbər verir ki, bununla da Dünya Bankının Ebola ilə mübarizəyə ayırdığı vəsaitlərin həcmi 300 milyon dollara çatıb. Sonuncu ayrılan vəsaitlər virusun yayıldığı Qərbi Afrika ölkələrində işləyəcək tibbi heyətin toplanmasına sərf olunacaq. “Biz təcili olaraq lazımi sayda tibb işçisi tapmalıyıq. Ümid edirik ki, bu 100 milyon dollar ən çox ehtiyac duyulan yerləri tibb işçiləri ilə təmin etməyə imkan verəcək”, - deyə Bankın prezidenti Cim En Kimin bu gün yayılan bəyanatında qeyd olunur.   Qeyd edək ki, bundan əvvəl Bankın prezidenti Ebolanın geniş yayıldığı ölkələrdə təcili olaraq 5 min tibb işçisinə ehtiyac olduğunu, lakin əksəriyyətin qorxduğu üçün bu heyəti toplamağın çətinlik yaratdığını demişdi: “Ümid edirəm ki, həkim və tibb işçiləri Hippokrat andını xatırlayaraq, xəstəliyin qarşısının alınmasında bəşəriyyətə yardım edəcəklər.” Sevil  
  • Nazir müavininin maşınını vuran sürücü məhkəmə qarşısında  Bakı Ağır Cinayətlər Məhkəməsində 2 nəfərin ölümü, 3 nəfərin isə yaralanması ilə nəticələnən yol qəzası törətməkdə təqsirləndirilən Tural Rəhimovun məhkəməsi başlayıb.   Prosesdə dövlət ittihamçısı ittiham aktını elan edib. Məhkəmə prosesi noyabrın 4-də davam etdiriləcək. Qeyd edək ki, Bakının Nizami rayonu, Heydər Əliyev prospektində Tural Rəhimovun idarə etdiyi "VAZ-2107" markalı avtomobil hava limanı şosesi istiqamətində hərəkətdə olarkən qəflətən geriyə dönüş edib və Heydər Əliyev prospekti ilə əks istiqamətdə hərəkət etməyə başlayıb. Bu vaxt "Jiquli" qarşıdan gələn, 53 yaşlı Firdovsi Əliyevin idarə etdiyi “Lexus” markalı avtomobillə toqquşub. Hadisə nəticəsində "VAZ-2107" markalı avtomobildə olan iki sərnişin dünyasını dəyişib, avtomobilin sürücüsü Tural Rəhimov, eləcə də “Lexus”un sürücüsü Firdovsi Əliyev və onun həyat yoldaşı Arifə Əliyeva ağır bədən xəsarətləri alıblar. Qeyd edək ki, F. Əliyev ekologiya və təbii sərvətlər nazirinin birinci müavinidir.
  • Həbsxanaya mobil telefon keçirilməsinin qarşısı alınıb  Ədliyyə Nazirliyinin Penitensiar Xidmət əməkdaşları tərəfindən həyata keçirilmiş axtarış-baxış tədbirləri nəticəsində 4 saylı cəzaçəkmə müəssisəsinə mobil telefon keçirilməsinin qarşısı alınıb.   Xidmətin ictimaiyyətlə əlaqələr şöbəsindən tia.az-a verilən məlumata görə, orada cəza çəkən, Cinayət Məcəlləsinin 177.3.3; 178.3.3; 180.3.3; 66.3 və 67.1 maddələrinə əsasən azadlıqdan məhrum edilmiş məhkum Zəhra Süleyman qızı Xasanovanın yanına qısamüddətli görüşə gəlmiş həyat yoldaşı Surac Torun oğlu Məmmədovun görüş otağında üzərinə və əşyalarına baxış keçirilib. Bu zaman gödəkcəsinin sol cibindən 1 ədəd “Samsung” markalı mobil telefon aparatı və 1 ədəd “Cin” danışıq kartı aşkar edilərək götürülüb. Fakt üzrə araşdırma aparılır. 
  • Türkiyə hökuməti təkzib etdi: Öcalan ölməyib  PKK terror təşkilatının lideri Abdullah Öcalanın ölməsi barədə yayılan məlumatlara Türkiyə höküməti rəsmən münasibət açıqlayıb. Sosial şəbəkələrdə Abdullah Öcalanın ölməsi barədə yayılan xəbərlərə kəskin münasibət bildirən Türkiyənin ədliyyə naziri Bəkir Bozdağ bunu təxribat adlandırıb: "Sosial şəbəkələrdə Abdullah Öcalanın ölməsi barədə yayılan xəbərləri əsassız, uydurulmuş və provokasiya xarakterlidir". Nazirin müşaviri Adnan Boynukara da "Twitter"də etdiyi şərhdə bildirib ki, İmralı xəstəxanasında saxlanılan Ocalanın ölməsi barədə yayılan xəbər əsassızdır və təxribat məqsədi daşıyır".
  • Flora Kərimova "Yağış" deyəcək...  Xalq artısti Flora Kərimova bəstəkar Tural Bayraməliyevin söz və musiqisi özünə məxsus yeni bəstəsini səsləndirəcək. Bəstəkarın ANS PRESS-ə verdiyi məlumata görə, yeni nəğmə “Yağış” adlanır. Hazırlıq prosesini Türkiyədə, Sezen Aksu, Tarkan, Sertab Erener kimi türkiyəli məşhurların çalışdığı studiyada və eyni tərkibli heyətin iştirakı ilə keçən “Yağış”ın tezliklə klipi də ərsəyə gətiriləcək. “Mahnı və klip eyni zamanda təqdim ediləcək. Bu, noyabr ayının ortalarına nəzərdə tututlub” – deyən Tural Bayraməliyev mahnı yaradıcılığında yeniliklərin davam edəcəyini sözünə əlavə etdi.
   
Xəbər Lenti

30 oktyabr 2014

Bütün xəbərlər


Çox Oxunanlar

Təqvim

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya