Tribuna İnformasiya Agentliyi-Tia.az

  Flaş Xəbərlər
  • Miqrantlar Rusiyanı kütləvi tərk edir, diaspor rəhbərimiz narahat deyil  MDB ölkələrindən olan əmək miqrantları rublun kəskin dəyərdən düşməsi nəticəsində Rusiyanı kütləvi tərk edir.   “RİA Novosti” agentliyinin məqaləsində belə deyilir. Agentlik araşdırıb ki, Yeni il bayramının yaxınlaşması miqrant axınının daha da artmasına səbəb olub. Moskvadakı miqrant assosiasiyalarının təmsilçiləri deyirlər ki, əgər yaxın vaxtlarda rublun kursu yüksəlməsə, Rusiyada əmək miqrantlarının sayı kəskin azalacaq. Ekspertlər deyirlər ki, 1998-ci ildə yaşanan defoltdan sonra ən dramatik iqtisadi böhranın yaşandığı indiki günlərdə işçi miqrantlar üçün qazanc dalınca Rusiyaya getmək artıq sərfəli deyil. Onların qazandıqları pullar sürətlə dəyərdən düşür. Ticarətlə məşğul olanlar isə rublun kursunun kəskin dəyişməsindən ciddi ziyana düşürlər. Digər tərəfdən, 2015-ci il, yanvarın 1-dən etibarən Rusiyanın miqrasiya qanunvericiliyində dəyişikliklər qüvvəyə minəcək. Bu dəyişikliklərə görə, Rusiyada işləmək icazəsi almaq üçün bütün əmək miqrantları rus dilini, Rusiya qanunvericiliyinin əsaslarını bilməlidir. “Bazarlarda işləyənlərin demək olar ki, hamısı gedib. Satıcılar artıq heç kimə lazım deyil” - deyə qırğız diasporunun “Zamandaş” assosiasiyasının təmsilçisi Ruslam Eşimov bildirir. R.Eşimov deyir ki, istehsalatda işləyənlər əvvəlki kimi qalıb işləyirlər. Bazarlarda alver edənlərin isə işləri çətindir, onlar rublun kəskin ucuzlaşması nəticəsində aldıqları malı mayasından ucuza satmalı olublar. R.Eşimov bildirir ki, bir çox ticarətçilər malları Orta Asiyadan gətirirdilər: "Orada onlar aldıqları malın əvəzini dollarla ödəyirlər. İndi isə dollar az qala iki dəfə bahalaşıb. Satıb pulunu qaytarmaq üçün mal götürənlərin işi daha çətindir, onlar pulu dollarla qaytarmalıdır. Belələri kifayət qədər çoxdur”. R.Eşimovun fikrincə, əgər rublun kursu qalxsa, qırğız ticarətçilər Rusiyaya qayıda bilər. Miqrantların Rusiyadan kütləvi axınını sürətləndirən amillər arasında tikinti mövsümünün başa çatması, kənd təsərrüfatında işlərin dayanması da yer alır. Üstəlik Orta Asiyadan olanların çoxu rus dilini bilmir və onlar işləmək icazəsi ala bilmək üçün rus dilindən imtahan verə bilməyəcəklər. “Ona görə də Rusiyada miqrant kimi qalmaq sadəcə olaraq sərfəli deyil” - deyə qırğız diasporunun nümayəndəsi bildirib. Yeni qanunvericiliyə görə, miqrantlar iş patenti almaq üçün hər ay 4 min rubl ödəməlidir. Ayda 15-20 min rubl qazanan miqrantlar üçün bu, ciddi məbləğdir. “Yanvarın 1-dən qüvvəyə minəcək düzəlişlərə görə, məcburi tibbi sığorta üçün 2 min rubl ödəmək lazımdır, bunun üçün əvvəlcə tibbi müayinədən keçmək tələb olunur. Bu isə təxminən 3 min rubl edir. Rus dilindən imtahan vermək haqqı 4900 rubldur, üstəlik imtahanı verməsən, bu pul boşa gedəcək. Belə çıxır ki, Rusiyaya yeni gələn miqrant sənədlərini qaydaya salmaq üçün dərhal 15-20 min rubl xərcləməlidir. Üstəlik yemək və mənzil kirayəsi. Deməli, ayda 20 min qazanan miqrant üçün Rusiyada qalmaq sadəcə olaraq mənasızdır. 30-35 min rubl qazananların isə işləri çətinləşir” - R.Eşimov deyir. Ümumrusiya Azərbaycanlıları Konqresinin icraçı direktoru İlqar Hacıyev də təsdiq edir ki, ancaq qazanc dalınca Rusiyaya gələnlər üçün indi bu ölkədə qalmaq sərfəli deyil. Bununla belə İ.Hacıyev deyir ki, onun yerliləri işgüzar və hər vəziyyətdən çıxış yolu tapan adamlardır: “Onlar tez adaptasiya oluna bilirlər. Böhran isə təşəbbüskar və diribaş adamlar üçün həmişə yeni imkanlar açır”. İlqar Hacıyev İ.Hacıyev deyir ki, Rusiyada hazırda 700 minə yaxın azərbaycanlı miqrant var: “Ola bilər onların bir hissəsi getsin. Ancaq onların yerinə yeniləri gələcək, nəsə iş quracaq və iqtisadiyyatın bərpasına kömək edəcək. Hamı inanır ki, bu, müvəqqəti haldır, rubl möhkəmlənəcək, iqtisadiyyat böhrandan çıxacaq”. Qeyd edək ki, hələlik Rusiyadan Azərbaycana nə qədər miqrantın qayıtdığı haqda rəqəmlər yoxdur. Lakin son günlər Rusiyadan gələn avtobuslar, qatarlar və təyyarələrdə boş yer yoxdur. Xüsusən də Rusiya bazarlarında alverlə məşğul olan azərbaycanlıların bir çoxu müflis olaraq geri qayıdır. Ancaq rublun ucuzlaşmasından istifadə edərək dəyərdən düşən malları alıb gətirmək üçün Rusiyaya azərbaycanlıların kütləvi axını da müşahidə edilir. (virtualaz.org)
  • 2015-ci il üçün yaşayış minimumu haqqında qanun təsdiqləndi  Azərbaycan prezidenti İlham Əliyev 2015-ci il üçün yaşayış minimumu haqqında qanunu təsdiqləyib.   Qanunda əhalinin əsas sosial-demoqrafik qrupları üzrə yaşayış minimumu ölkə üzrə 131 manat, əmək qabiliyyətli əhali üçün 140 manat, pensiyaçılar üçün 108 manat, uşaqlar üçün 108 manat məbləğində müəyyən edilib. Qanun 2015-ci il yanvarın 1-dən qüvvəyə minir. Prezident İlham Əliyevhəmçinin “Azərbaycan Respublikasında 2015-ci il üçün yaşayış minimumu haqqında” Azərbaycan Respublikası Qanununun tətbiqi barədə sərəncam imzalayıb.
  • Gəncə, Füzuli və Dakəsəndən cavab gəldi-“Sahibkarların pulunu vermişik”  İstər bölgələrdə, istərsə də Bakıda sahibkarlarla bəzi İcra Hakimiyyətləri arasında ciddi problemlər yaşanır. Bu barədə ötən gün məlumat verilmişdi.    Tia.az xəbər verir ki, modern.az-a daxil olmuş məlumata görə, ayrı-ayrı sahibkarlar İcra Hakimiyyətləri tərəfindən müxtəlif işlər görsələr də, sonda iş adamları gördükləri işin əvəzində vəsait ala bilmirlər. Hətta, yaxın zamanlarda məsələyə hüquq-mühafizə orqanları ciddi müdaxilə edəcək.  Füzuli Rayon İcra Hakimiyyətinin adının çəkilməsini istəməyən  şöbə müdirinin sözlərinə görə onlarda belə hallar ola bilməz. “Hər bir sahibkarla icarə müqaviləsi bağlanır. Bu məsələyə hüquqi şəxslər nəzarət edir. Ona görə də bizim icra hakimiyyətində belə hallar ola bilməz. Heç bir sahibkarın haqqı kəsilmir və kəsilə də bilməz”. Daşkəsən Rayon İcra Hakimiyyətinin başçısı Əhəd Abıyev də belə halla rastlaşmadığını, jurnalistlərin daha ciddi yazılar yazmasını məqsədəuyğun hesab edir. “Bizim icra hakimiyyətində hansısa sahibkarı çağırıb işlədib sonra onun məvacibini kəsmək halları ola bilməz. Bizdə elə bir hadisə bu vaxta qədər olmayıb. İndi bu cür işləri icra hakimiyyəti həll etmir. Dövlət işi təyin edir və sahibkarlara məvacib kəsir. Dövlətin verdiyi məvacibi kim kəsə bilər?!. Gedib Daşkəsən Rayon Icra Hakimiyyətini araşdıra bilərsiniz. Hansısa sahibkarı işlədib pulunu verməmək hallarına rast gələ bilməzsiniz”. Gəncə Şəhər İcra Hakimiyyətindən isə bu cür məsələlərdə Gəncənin adının çəkilməməsini “rica” ediblər: “Ümumiyyətlə, Gəncə İcra Hakimiyyətində belə xoşagəlməz hallar yoxdur. Gəncə şəhərinin adını belə məsələlərdə çəkməyin yeri yoxdur. Kimisə işlədib pulunu verməmək kimi faktı kimsə göstərə bilməz. Gəncədə heç bir narazılıq yoxdur”.
  • Varlı ruslar ölkədən qaçır  Rekord sayda rusiyalı zəngin, ana vətənlərindəki iqtisadi vəziyyət getdikcə pisləşdiyindən İngiltərəyə yerləşməyə başlayıb.     “Financial Times”ın xəbərinə görə, bu il İngiltərədən “investor vizası” alan rusların sayı 69 faiz artıb. İlin ilk doqquz ayında, 162 Rusya vətəndaşına bu vizadan verilib. Neftin qiymətinin aşağı düşməsi, Qərbin tətbiq etdiyi sanksiyalar və rublun dəyərin itirməsi sərmayənin ölkədən uçmasına səbəb olub. Qəzetin yazdığına görə, Rusiya cəmiyyətinin ən güclü və ən zənginləri də müxtəlif ittihamlarla ağır günlər keçirir.(modern.az)
  • Əliməmməd Nuriyevin səhhəti yaxşılaşır    “Konstitusiya” Araşdırmalar Fondunun prezidenti, QHT-lərə Dövlət Dəstəyi Şurasının üzvü Əliməmməd Nuriyevin səhhəti yaxşılaşır.   Əliməmməd Nuriyev dekabrın 17-də Bakının Azadlıq meydanında baş verən avtomobil qəzasında xəsarət alıb. BMW markalı avtomobil Əliməmməd Nuriyevin idarə etdiyi “Mitsubishi Pajero”nu vurub. Nəticədə “Mitsubishi Pajero” aşıb. Ə.Nuriyev bildirib ki, bir iki-günə işə çıxa biləcək: “Hadisə baş verən gün xəstəxanada müayinə edildim. Vəziyyətim müalicənin evdə aparılmasına imkan verdi. Yaxın günlərdə işə çıxacam. Orqanizmimdə hər hansı bir fəsad yoxdur. Bir az baş ağrıları var, güman edirəm, bir-iki günə o da keçəcək”. Əliməmməd Nuriyev bildirib ki, Səbail Rayon Polis İdarəsində qəza ilə bağlı araşdırma gedir: “Ekspertiza aparılır, güman edirəm, məsələyə düzgün qiymət veriləcək. Müəyyən xəsarət alsam da, bu, hansısa cinayət işinin qaldırılmasına səbəb ola bilməz. Təbii ki, mənə maddi ziyan da dəyib, maşınım yararsız haldadır. Amma əmlakım qanunvericiliyə müvafiq qaydada sığorta olunub. Qəzaya səbəb olan qarşı tərəfdən heç bir gileyim yoxdur. Valideynləri yanıma gəlmişdi. Deyilənə görə, çox gənc, perspektivli oğlandır, öz sahəsində yaxşı mütəxəssisdir. O, qəzada heç bir xəsarət almayıb. Heç kəs bu cür hadisələrdən sığorta olunmayıb, çox şükür ki, qəza ağır nəticələrə gətirib çıxarmadı”.(mediaforum.az)
   
Xəbər Lenti

22 dekabr 2014

Bütün xəbərlər


Çox Oxunanlar

Arxiv

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya