Tribuna İnformasiya Agentliyi-Tia.az

  Flaş Xəbərlər
  • Dəhşət: Dünən meyiti tapılan tələbə qızın başını bacısı kəsibmiş...  Ötən gün günorta saatlarında başı kəsilən 20 yaşlı Günel Etibar qızı Nuriyevanın qatili məlum olub.   Xətai rayon prokurorunun köməkçisi Şəbnəm Məmmədovanın ANS PRESS-ə verdiyi məlumata görə, gənc tələbəni elə onun öz doğma bacısı kəsib: "Günel Nuriyevanı onun öz bacısı Pərvanə Nuriyeva öldürüb. Bacısını qətlə yetirən Pərvanə Nuriyeva saxlanılıb. Qətlin səbəbi bilinmir. Hazırda istintaq davam edir", - deyə Şəbnəm Məmmədova bildirib. Qeyd edək ki, hadisə Xudu Məmmədov küçəsi 18 ünvanında qeydə alınıb. Həmin ünvanda bacıları ilə birlikdə yaşayan, 20 yaşlı Günel Etibar qızı Nuriyevanın başı kəsilmiş meyiti tapılıb. G. Nuriyeva Bakıda fəaliyyət göstərən musiqi məktəblərindən birinin ikinci kursunda oxuyurmuş. Etibar Nuriyev tanınmış biznesmendir. Onun Şəkidə bir neçə ticarət obyektləri, torpaq sahələri var. Ailənin 3 qız övladı var. Qizlardan ikisi əkizdir. Qətlə yetirilən Günel Nuriyeva isə ailənin böyük qızıdır.
  • Qubada “VAZ 21 06” “BMW” ilə toqquşduÖtən gün gecə saatlarında Quba rayonunda yol-nəqliyyat hadisəsi baş verib   Məlumata görə, hadisə Quba-Xaçmaz yolunun 11-ci kilometrliyində, magistralın Quba rayonunun Zərdabi qəsəbəsi ərazisindən keçən hissəsində qeydə alınıb. 28 yaşlı Quba rayon sakini Rüstəm Qasımzadənin idarə etdiyi 40 BK 462 dövlət nömrə nişanlı “VAZ 21 06” markalı nəqliyyat vasitəsi qarşıdan gələn 49 yaşlı Quba rayon sakini Elçin Məmmədovun idarə etdiyi 10 KS 387 dövlət nömrə nişanlı, “BMW” markalı avtomobillə toqquşub. Nəticədə hər iki sürücü müxtəlif dərəcəli xəsarətlər alaraq Quba Mərkəzi Rayon Xəstəxanasına aparılıb. Tibb müəssisəsindən verilən məlumata görə, yaralılardan R. Qasımzadənin vəziyyəti ağır olduğundan o, reanimasiya şöbəsinə yerləşdirilib. Vəziyyəti orta-ağır olan digər sürücü E. Məmmədov isə, cərrahiyyə şöbəsində müalicə alır. Hadisə zamanı hər iki nəqliyyat vasitəsində sərnişin olmayıb. Qəzaya yüksək sürətin səbəb olduğu ehtimal olunur. Faktla bağlı araşdırma aparılır. (APA)
  • Atəşkəs 6 rayonda 14 dəfə pozulub  Cəbhənin müxtəlif istiqamətlərində sutka ərzində atəşkəs rejimi ümumilikdə 14 dəfə pozulub.   tia.az Müdafiə Nazirliyinin saytına istinadən xəbər verir ki, erməni silahlı bölmələri dünən və bu gecə Ermənistan Respublikasının İcevan rayonunun ərazisindəki adsız yüksəkliklərdə yerləşən mövqelərdən Qazax rayonunun ərazisindəki adsız yüksəkliklərdə yerləşən mövqelərimizi atəşə tutub. Füzuli rayonunun Aşağı Veysəlli, Goranboy rayonunun Tapqaraqoyunlu, Ağdam rayonunun Yusifcanlı kəndləri yaxınlığında, həmçinin Füzuli, Goranboy və Xocavənd rayonlarının ərazisindəki adsız yüksəkliklərdə yerləşən mövqelərdən də Azərbaycan Silahlı Qüvvələrinin mövqeləri atəşə tutulub. Düşmən cavab atəşi ilə susdurulub.
  • Quba silkələndiAzərbaycanın Quba rayonunda zəlzələ baş verib   TİA.AZ  Respublika Seysmoloji Xidmət Mərkəzinə istinadən xəbər verir ki, ilkin məlumatlara əsasən, bu gecə yerli vaxtla saat 03:24-də Pirquludan 27 km şimalda Quba ərazisində zəlzələ qeydə alınıb. Maqnitudası 3, dərinliyi 4 km olan zəlzələ hiss edilməyib.
  • Davudoğlu gənc rejissorun cavabını belə verdi    "İki aydır ilk dəfə evə gedəcəkdim, sənə görə bura gəldim"   Türkiyənin baş naziri Əhməd Davudoğlu Haqq-İş Konfederasiyasının 39-cu quruluş ildönümü və 3-cü qısa film mükafatı mərasimində iştirak edib. Mükafat mərasimində maraqlı anlar yaşanıb. Belə ki, “Əmək” mövzusunda çəkilmiş filmlərin mükafatlandırma mərasimində təltif edilən rejissor Suat Əroğlu salonda yaranan səsə görə baş nazir köməkçisi Bülənt Arınçı qınayıb.  “Biz sizi təxminən iki saatdır dinləyirik. Heç bir hörmətsizlik etmədik. Kaş ki, siz də 10 dəqiqəlik filmimizə müdaxilə etməsəydiniz. Rahatlıqla izləyə bilsəydik, əməyə verdiyiniz hörməti görsəydik, göstərdiyiniz hörmətə görə təşəkkür edirəm, Bülənt bəy!” – deyə rejissor Əroğlu bildirib.  Daha sonra filmi Soma faciəsi qurbanlarına həsr etdiyini söyləyən rejissorun nazir köməkçisinə belə söz işlətməsi baş nazir Əhməd Davudoğlunun xoşuna gəlməyib. Mikrofonu əlinə alan Ə.Davudoğlu gənc rejissorun söylədiklərinə anlayış göstərdiyini bildirərək ona fikrini bu cür çatdırıb: “Biz sənin qınağını başa düşürük. Amma bir ölkənin baş naziri sənin filmini 12 dəqiqə ayaqüstə dinləyir, izləyir. Halbuki o baş nazir iki aydır ilk dəfə evdəki övladlarına bu axşam yeməkdə sizinlə birlikdə olacağam demişdi. İki aydır ilk dəfə evə gedəcəkdim, amma mən sənə görə bura gəldim.” Baş nazirin bu çıxışı salondakıları coşdurub və alqışlarla qarşılanıb. (ans)
   
Xəbər Lenti

23 oktyabr 2014

22 oktyabr 2014

Bütün xəbərlər


Çox Oxunanlar

Təqvim

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya