Tribuna İnformasiya Agentliyi-Tia.az

  Flaş Xəbərlər
  • Bakıda binanın tavanı çökdü  Bakıda otelyenin tavanı çöküb.   Saat 12 radələrində baş verən hadisə nəticəsində obyektdəki mallara ziyan dəyib. Kiçik sahibkar olan Rəna Həsənova obyekti kirayə götürdüyünü deyir. Həmişəki kimi bu gün də otelyedə çalışanlar iş yerinə gəlib sifarişləri hazırlamağa başlayıblar. Təxminən 3 saat sonra isə hadisə baş verib. Rəna xanımın sözlərinə görə, hətta içəridə müştəri də var imiş. Onun obyekti tərk etməsi ilə tavanın çökməsi arasında sadəcə bir neçə saniyə fərq olub. Xoşbəxtlikdən çökmə nəticəsində xəsarət alan yoxdur. Rəna Həsənova deyir ki, hadisə ilə bağlı Fövqalədə Hallar Nazirliyinə və Mənzil Kommunal İstismar sahəsinə xəbər verib: “Hazırda baş verən olayla bağlı sözügedən qurumlar məlumatlandırılıb. Amma buna baxmayaraq bir nəticə yoxdur. Artıq bina qəzalı vəziyyətdədir. Bina tam şəkildə çökə bilər. Burada insan faktoru var. İnsanlar bundan zərər görə bilər”.  Obyekt sahibi Ruhangiz Ələkbərova da ərazidə idi. O, obyektin dərhal boşaldılmasını istəyirdi. Rəna Həsənova isə 15 gün möhlət verilməsini xahiş edirdi ki, sifariş aldıqları işləri birtəhər tamamlasın. Bir müddət sonra ərazi üzrə 28 saylı Mənzil Kommunal İstismar Sahəsinin mühəndisi hadisə yerinə gəldi. O, artıq tikiliyə baxış keçirildiyini və tezliklə problemin aradan qaldırılacağını dedi. Mühəndis həmçinin binanın üst mərtəbələri üçün təhlükə yaranıb-yaranmayacağına da aydınlıq gətirdi. 28 saylı mənzil kommunal istismar sahəsinin mühəndisi İldırım Bəkirov qeyd edir ki, binanın zədəli yerlərini obyekt rəhbərilə birgə təmizləyib bərpa edəcəklər, hazırda yuxarı mərtəbədə yaşayan sakinlər üçün heç bir təhlükə yoxdur.  Təki deyilənlər həqiqətə uyğun olsun. Əks halda binanın üst mərtəbələrinin də çökməsi qaçılmaz olacaq. (anspress)
  • ABŞ-ın dövlət katibi və İranın xarici işlər naziri arasında görüş keçiriləcək  Noyabrda Omanda İranın XİN rəhbəri Məhəmməd Cavad Zərif, ABŞ Dövlət katibi Con Kerri və Avropa İttifaqının (Aİ) Xarici siyasət və təhlükəsizlik məsələləri üzrə ali komissarı Ketrin Eşton arasında üçtərəfli görüşü olacaq.   Bu barədə ABŞ dövlət departamentinin rəsmisi Cen Psaki bildirib. “Noyabrın 9 və 10-da dövlət katibi Məhəmməd Cavad Zərif və Ketrin Eştonla Tehranın nüvə proqramını müzakirə etmək üçün Maskata səfər edəcək”, deyə Psaki bildirib. Bundan əvvəl İranla “altılıq” ölkələri arasında danışıqların noyabrın 18-də Vyanada baş tutacağı bildirilirdi. (apa)
  • İlk kosmik turizm raketi partladı: 1 ölü, 1 yaralı  ABŞ-da “Space Ship 2” kosmik turizm raketenin sınaq uçuşu zamanı kosmik gəmi qəzaya uğrayıb.   Özəl kosmik raket havada partlayaraq, Mocavi səhrasına düşüb. İnsident nəticəsində bir pilotun öldüyü, digərinin ağır yaralandığı təsdiqlənib. Sınağı keçirilən kosmik gəmi, milyarder Riçard Bransonun Virgin Galactic şirkətinə aiddir. Adı çəkilən şirkət bu ildən başlayaraq adambaşı 200 min dollardan həmin gəmidə kosmosa hava reysi açmağı planlaşdırırdı. Şirkət rəsmiləri qəzaya nəyin səbəb olduğunun araşdırıldığını bildirib. (anspress)
  • “Böyük Dəbilqə”: 4 cüdoçumuzdan üçü medal qazandı  Abu-Dabidə keçirilən cüdo üzrə “Böyük Dəbilqə” turnirinin startı Azərbaycan millisi üçün uğurlu alınıb.   İlk yarış günündə tatamiyə çıxan 4 cüdoçumuzdan 3-ü medal qazanıb. Belə ki, komandamızın heyətində ən yaxşı nəticəni 60 kq çəki dərəcəsində mübarizə aparan Orxan Səfərov göstərib. O, finalda Amartuvşin Daşdavaaya (Monqolustan) qalib gələrək, komanda yoldaşı İlqar Müşkiyevin revanşını alıb. Çünki monqolustanlı cüdoçu həlledici görüşə gedən yolda təmsilçimizə qalib gəlməsəydi, Abu-Dabidə Azərbaycan finalı olacaqdı. 66 kq çəki dərəcəsində tatamiyə çıxan Tərlan Kərimov da uzun müddətdən sonra medal həsrətinə son qoyub. Lakin finala kimi inamla irəliləyən Dünya Kubokunun sahibi Dmitri Şerşana (Belarus) qalib gələ bilməyib və gümüş medalla kifayətlənib. Onlarla yanaşı, komandamıza daha bir mükafatı Müşkiyev (60 kq) qazandırıb. Həmyerlimiz 3-cü yer uğrunda görüşdə ispaniyalı Fransisko Qarriqosa heç bir şans verməyib. Digər cüdoçumuz Vüqar Şirinli (66 kq) 1/8 finalda uduzub. O, almaniyalı Sebastian Seidllə dueldən məğlub ayrılıb. Qeyd edək ki, noyabrın 2-də bitəcək “Böyük Dəbilqə”də daha 7 idmançımız gücünü yoxlayacaq.(apasport)
  • Bakının mərkəzində qanun saymayan   Son zamanlar Bakıda bahalı avtomobillərin, məmur övladlarının qayda pozması, qanuna məhəl qoymaması adi hala çevrilib.   Bu gün Milli.Az əməkdaşı paytaxtın mərkəzində, Azərbaycan Dövlət İqtisad Universitetinin qarşısında qayda pozuntusu yox, qaydalara meydan oxunması ilə rastlaşıb. Maraqlıdır ki, müvafiq dövlət qurumları belə halların sayının azaldığını desələr də, reallıq fərqlidir. 
   
Xəbər Lenti

01 noyabr 2014

31 oktyabr 2014

Bütün xəbərlər


Çox Oxunanlar

Təqvim

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya